Путь Героя

Едресов Байзақ. Туған жылы: 14 қазан 1917 жыл. Туған жері: Торғай губерниясы Сарықопа болысы Ұзынқоға ауылы, қазіргі Қостанай облысы, Аманкелді ауданы Шөптікөл ауылы. Әлеуметтік жағдайы, әскери атағы: мұғалім, қызметкер.кіші сержант Еңбек жолы: Ақтөбе мұғалімдер институтын тәмамдағаннан кейін Орск маңындағы Горшково селосында мұғалімдік қызмет атқарады. 1942-1946 жылдар аралығында Аманкелді әскери комиссариатында нұсқаушы, бастауыш әскери даярлығының мұғалімі, 1947 жылдан бастап Аманкелді аудандық партия комитетінің нұсқаушысы, «Бүйректал» кеңшарының партия ұйымының хатшысы, «Қостанай комсомолы» ауылының жұмысшылар комитетінің төрағасы қызметтерін атқарған. Өмірлік жолы: Ұзынқоға ауылына қарасты Ортажарық деген жерде дүниеге келіп, оның жастық шағы да сол ауылда өтеді. 1932 жылы Аманкелдіде ашылған мектепке қабылданып, оқудағы зеректігі үшін Орынбор орыс мектебіне оқуын жалғастыруға жіберіледі. 1940 жылы Ақтөбе мұғалімдер институтын аяқтағанда әскери борышын атқаруға шақырылады, оның аяғы Ұлы Отан соғысына ұласады. Кіші сержант атағымен Ельня үшін шайқасқа қатысып ауыр жарақаттан кейін демобилизация алады. ІІ дәрежелі Отан соғысы орденімен және көптеген юбилей медальдарымен наградталған. 1960 жылы жаңадан ашылған Бүйректал кеңшарының партия ұйымының хатшысы қызметін атқарып, «Тыңды көтергені үшін» медальімен наградталды. «Қостанай комсомолы» кеңшарының жұмысшылар комитетінің төрағасы қызметін атқарады. Сол кеңшарда кадр бөлімінің меңгерушісі қызметін атқара жүріп 1977 жылы зейнеткерлікке шығады. Отбасы: Баймұрат ауылы Тақтайкқөпір мекенінің тумасы Сүндетбайқызы Жүмакүл екеуі он баланы дүниеге әкелген. Қыздары: Гүлмайра, Гүлзайра, Күләш, Роза, Клара, Тамара, Вера, Бибігүл; Ұлдары: Иса, Мейрамбек. Мейрамбек бір жарым жасында қайтыс болды. Қызы: Сейткамалова Роза Байзаққызы, 1956 ж. туған., Алматы шет тілдер институтының түлегі, мұғалім, 1984-87 жж. Шөптікөл орта мектебінде директордың оқу-тәрбие жұмысының орынбасары болып істеді, ҚР оқу ісінің үздігі; 1988-1990 жж, Аманкелді аудандық партия комитетінің нүсқаушысы, атқару комитетінің хатшысы қызметтерін атқарған. Зейнеткер. Ұлы: Идрисов Иса Байзақұлы 1960 ж. туған, Арқалық педагогикалық институтының түлегі., мұғалім, шебер-ұстаз., 1987 -1991 жж. 2000-2001 жж., Шөптікөл орта мектебі директоры қызметтерін атқарған, Ы. Алтынсарин төсбелгісінің иегері. 2023 жылы «Еңбек ардагері» медальімен наградталған. Зейнеткер.