Путь Героя

⭐ Пусурманов Салмен Қапашұлы ⭐ ⭐ ⭐ Ұлы Отан соғысының ардагері. 1901 жылы Тайпақ ауданының Сайқұдық ауылында дүниеге келген. Анасынан ерте жетім қалған. Балалық, жасөспірімдік шағында дәулетті адамдардың малын баққан. Ауыл молдасынан сауатын ашқан .Соғысқа дейін Жымпиты аудан орталығында «Өнім дайындау кеңсесінде /Заготкантора/ директор қызметін атқарған.(Халықтан май,брынза, тері алып үкіметке тапсырумен айналысқан). 1942 жылдың қаңтар айының 7і күні Жымпиты әскери комитетінен соғысқа аттанады.. Атамыз алғашында 132-ші атқыштар дивизиясының, 605 -і атқыштар полкі қатарында соғысты бастайды. Архив беттерінде1943 жылы Брянск бағытындағы ұрыстарға атқыштар қатарында қатысты делінген. Қан майданда екі рет жарақат алған. Біріншісі 1943 жылдың мамыры Екіншісі 1945 жылдың 28 сәуірінде. 1945 жылдың жаз айында елге оралады. Ғұмыр бойы Коммунистік Партия қатарында түрлі партиялық қызметтер атқарған. 1949-1952 ж.ж. Жымпиты ауданы /Қазіргі Сырым ауданы/ Жосалы ауылында «Тұтынушылар қоғамының» / Сельпо , Жұмысшылар кооперативі депте аталған/ төрағасы болды. 1952-1954 жылдары Жымпиты ауданының /қазіргіСырым ауданы/ Бұлдырты ауылында жұмысшылар кооперациясы төрағасының орынбасары/зампред/ қызметін атқарды. 1954 ж. Бұлдырты ауылында «май дайындау» өндірісінде цех басқарған. / «Маслопром» халықтан сүт қабылдап, өнімнен май, брынза жасаумен айналсқан.Шыққан сүт өнімдерін мұз үстінде уақытша сақтап ауданға жіберіп отырған./ Зейнеткерлікке шыққанша сауда саласында қызметтер атқарған.Жанұясында жұбайы Сахи екеуі үш қыз тәрбиелеп өсірген. Жұбайы Сахи Дүйсенбайқызы соғыс кезінде тылда бүкіл ел қатарлы егін басында ер азаматтардың орнында бел бүкпей еңбек еткен, бейбіт күннің орнауына тер төккен жан. Салмен Қапашұлы 1978 жылдың 23 қыркүйекте дүниеден озды.Бірнеше медаль, естелік медальдармен марапатталған.