Путь Героя

Соғыс ардагері Жолдыбаев Айтқұл 1924 ж туған, 1942 жылы 18 жасында бұрынғы Гурьев облысы Жылыой ауданы Сталин колхозынан майданға аттанған. Ұлы Отан соғысында 2-ші Белоруссия майданы (фронт) құрамында Белоруссия, Польша, Шығыс Пруссия жерлерінде әскери қызметін атқарған. Минск, Кенигсберг, Варшава қалаларында бірге көптеген елді мекендерді азат етуге қатысқан. Инженерно-саперный полк құрамында сапер қызметін атқарып, жаяу әскер және танк жолын жау минасынан тазарту әскери қызметімен қатар ұрыс даласында неміс басқыншыларымен шайқас кезінде көптеген ерлік көрсеткен. Солардың айғағы ерлігі үшін берілген 2 мәрте «Қызыл Жұлдыз» III Дәрежелі, «Данқ» ордендерімен қатар, «За отвагу», «За взятие Кеннигсберга» және «За победу над Германией в Великой Отечественной войне 1941-1945г.г.» медальдары. Қай жерде және қандай ерліктері үшін жоғарғы марапаттарға ие болған жөнінде архивтегі сақтаулы құжаттарын (наградной лист) бойынша айтатын болсақ: -Белоруссияның батысы мен Польшаның солтүстік шығысындағы Нарев өзенінің батыс жағалауында орналасқан Флодки елді-мекені маңында болған шайқаста танкіге қарсы пайдаланатын жаудың 39 минасын залалсыздандырған. Осы ерлігі үшін 18.01.1944 жылы «Қызыл Жұлдыз» орденімен марапатталған. Могиле-Минск тас жолы бойында Волма слоуст және Свиючи өзендерінде орналасқан үш мостыны 14 стандартты зарядты минаны және әрбіреу 50 кг-дық коммулятивті миналардан тазартып әскери бөлімге Минск қаласына жол ашқаны үшін және тез шешім қабылдап көрсеткен ерлігі үшін 20.07.0944 жылы III-ші дәрежелі «Данқ» орденімен марапатталған. -1944 жылдың 9,10-шы тамызында Польшаның солтүстік шығысындағы Бжозувка өзені маңындағы Кумяла елді мекеніндегі көрсеткен ерлігі үшін екінші мәрте «Қызыл Жұлдыз» орденімен марапатталған. Осы ұрыста снаряд жарқыншағынан жарақат алған. - 18.02.1944 жылы Витебск облысы (Белоруссия) Зарановка өзені маңындағы Қазақи деревнясы маңындағы ұрыста жарақат алады. Осы ұрыста көрсеткен ерлігі үшін 3-рет «Қызыл Жұлдыз» орденімен марапаттайды. Алайда бізге белгісіз себептермен осы ордені әкемізге берілмей қалған. Осы орденге ұсынылған құжаттар (наградной лист) архивте сақтаулы (сайт «Подвиг народа» МО РФ), 1947 жылы елге оралған.