Путь Героя

Қапышев Нажип Қапышұлы 1916 жылы 5 қыркүйекте Гурьев облысы, Теңіз ауданы, Бірлік селосында дүниеге келген. Жастайынан еңбекке араласып, 14 жасында «Красная Армия» колхозының мүшесі болып, әртүрлі қызметтер атқарған. 1940 жылы 15 мамырда Кеңес Армиясы қатарына қабылданып, Отан алдындағы борышын өтей бастайды. 1941 жылы 25 шілде күні майдан даласына аттанып, Ұлы Отан соғысында батырлықпен, өжеттілікпен жауынгерлік қызметін бастайды. Мәскеу маңындағы Орел облысынан бастап, 12-гвардиялық Пинск атқыштар дивизиясында зеңбірек командирі болып қызмет етті. Аталмыш соғыстың негізгі кезеңдері Орел, Брянск, Тула қалалары арқылы, Эльба жағасына дейін жалғасып, 1945 жылы Берлинде аяқталған. Соғыс аяқталғаннан кейін Германияда әскери бөлімде қалып, Отан алдындағы борышын абыроймен орындап, сержант шенін иеленген. Өзінің ерлігі мен батырлығы үшін көптеген наградаларға ие болып, оның ішінде «Қызыл жұлдыз», ІІ дәрежелі «Ұлы Отан соғысы», «Ерлігі үшін» ордендері мен медальдарымен марапатталған.