Путь Героя

Иманғазы Ғабдоллин 1924 жылы 15 қаңтарда бұрынғы Орал облысы, Орда ауданы, Теректі ауылдық кеңесінде көп балалы отбасында дүниеге келген. Әкесі Ғабдолла Баяшев пен анасы Танзила Бисенқызы қарапайым шаруа адамдары еді. Әкеден жастай айырылған Иманғазы ана алақанының жылуы мен мейіріміне, бауырларының қамқорлығына бөленіп өсті. Жеті жылдық мектепті бітіріп, Фурманов ауданындағы педагогикалық училищеге оқуға түседі. 1942 жылы III курста оқып жүрген кезінде ер азаматтың басты міндеті – Отан алдындағы борышын өтеу үшін әскерге шақырылады. Әскер қатарында сержанттық курсты бітіріп, взвод командирінің көмекшісі болады. Сол кезде сұрапыл соғыс басталғанда, кәмелет жасқа толған Иманғазы Ғабдоллин де қару асынып майданға аттанады. Жауынгер Иманғазының Қиыр Шығыстағы басталған жорық жолдары Жапонияның жеңіліп, сөзсіз тізе бүккендігі жөнінде актіге қол қоюымен аяқталады. Ол кезде қалыптасқан ахуалды есепке алған Кеңес үкіметі жеңілген елден әскерін бірден алып кетпейтін. Сол себепті, майдангер араға бес жыл салып, елге тек 1947 жылдың наурыз айында ғана оралады. Жапонияның қарулы күштеріне қарсы жойқын ұрыстарда кеңес жауынгерлері, соның ішінде Иманғазы Ғабдоллин де ерен ерліктің үлгісін көрсетті. Соғыстан кейінгі ең алғашқы еңбек жолын қарапайым мұғалімдіктен бастаған Иманғазы Ғабдоллаұлы, білімділігі мен дамылсыз еңбегінің арқасында Фурманов ауданының «Красный партизан» жеті жылдық мектебінде оқу ісінің меңгерушісі қызметін атқара жүріп, білімін жетілдіру мақсатында Пушкин атындағы Орал педагогикалық институтының физика-математика факультетіне оқуға түседі. Институтты бітіріп келгеннен кейін Жәнібек аудандық партия комитетінің хатшысы Ишмановтың шешімімен Сайхын ауылындағы М.Мәметова орта мектебінің директоры болып тағайындалады. 2-3 жылдан кейін денсаулығына байланысты өз еркімен бұл қызметтен бас тартып, мектептің оқу ісінің меңгерушісі болады. 1959 жылы мамыр айында Сралиева Ғалия Кенжеқызымен отбасы құрып, бірге екі ұл, үш қыз тәрбиеледі. Жолдасы Сралиева Ғалия Кенжеқызы 02.05.1935 жылы туган. Руы Қызылқұрт. 1954 жылы Жәнібек ауылында 10 классын бітіріп, Алматы қаласына Қыздар мемлекеттік педагогикалық институтына тускен. 1959 жылы математика пәнінін факультетін бітірген. Сол жылы Иманғазы екеуі үйленіп, Жанибек ауданы Сайхын ауылындағы орта мектебіне математика пәнінің мұғалімі болып еңбек жолын бастайды. Осы мектепті үзбестен математика пәнінің мұғалімі болып зейнетке шықты. Зор жауапкершілік жүгін арқалаған Иманғазы Ғабдоллаұлы қарым-қатынас қабілеті, пайым-парасатының арқасында көптеген игі істер атқарады. Лениннің 100 жасқа толуына орай мектеп жанынан ұжыммен бірлесе отырып, бір бөлмелі музей ашу ісін қолға алады. Халқының зор сеніміне ие болып, бірнеше рет аудандық, ауылдық Кеңес депутаты болып сайланды. Мектепте бастауыш партия ұйымының секретары болды. Ұрпақ тәрбиелеудегі еңбегі жоғары бағаланып «Қазақ ССР оқу ісінің үздігі», Қазақ CCP Aғapту ici министрлігінің шешімімен «Аға мұғалім» атақтарына ие болған. Сонымен қатар, Ұлы Отан соғысы кезіндегі ерлік істері де ескерусіз қалмай, «Жапонияны жеңгені үшін», «Жеңіске 20 жыл», «Ерлігі үшін», «КСРО Әскери күшіне 60 жыл», «Еңбек ардагері», т.б медалдарымен және облыс, аудан компартияларының грамоталарымен марапатталған. Өмірінің 42 жылын шәкірт тәрбиелеуге арнаған аяулы ұстаз Иманғазы Ғабдоллаұлы 1986 жылы 19 қаңтарда дүниеден озды. Ұлағатты ұстаз, білікті басшы, Ұлы Отан соғысының ардагері Иманғазы Ғабдоллаұлының өнегелі ici ешқашан да ұмытылмайды. Жолдасы Сралиева Ғалия Кенжеқызы - 02.05.1935 жылы туған. Руы - қызылқуұт. 1954 жылы Жанибек селосында 10 классын бітіріп, Алматы қаласына қыздар мемлекеттіқ педагогига институтына тускен. 1959 жылы математика пәнінің факультетін бітірген. Сол жылы тұрмысқа шығып, жолдасы Иманғазы екеуі Жанибек ауданы Сайхын селосындағы орта мектебіне математика пәнінің мұғалімі болып еңбек жолын бастайды. Осы мекетептен үзбестен математика пәнінің мұғалімі болып зейнет акыға шықты. Жұмыс барысында бала тәрбиесіне қосқан үлестері үшін облыс және аудан компартиялары грамоталарымен марапатталған. Ұрпақ тәрбиелеудегі еңбегі жоғары бағаланып, «Қазақ ССР оқу ісінің үздігі» атағын алды. Анамыздың балалық шағы Жәнібек облысы, Қайрат ауылында өткен. Сол жерде Ұлы Отан Соғысы жылдары тұрган, соғыс кезінде колхозда жазда бидай жинауға қатысқан, қазіргі кезде анамыз Ұлы Отан Соғысы кезінде еңбек соғысында болған деп танылып отыр.