1950 жылы Кеңестік Социалистік Республикалар Одағы Бас прокурорының бұйрығымен Қарағанды облысы, Қарқаралы ауданының халық тергеушісі қызметіне тағайындалған күннен бастап прокуратура саласында еңбек етті.

– 1954 жылы Қарағанды облысы Шет ауданы прокуратурасының тергеушісі;
– 1958 жылы Жезқазған қаласы прокурорының көмекшісі;
– 1963 жылы Жамбыл облысы Свердлов ауданы прокуратурасының тергеушісі;
– 1964 жылы Жамбыл облысы Свердлов ауданы прокурорының көмекшісі;
– 1966 жылы Жамбыл облысы Мойынқұм ауданы прокуратурасының тергеушісі;
– 1967 жылы Жамбыл облысы Сарысу ауданы прокуратурасының тергеушісі;
– 1970 жылы Жамбыл облысы Қаратау қаласының прокуроры;
– 1972 жылы Жамбыл облысы Сарысу ауданы прокуратурасының тергеушісі;
– 1975 жылы Жамбыл облысы Талас ауданының прокуроры қызметтерін атқарды.

1982 жылы құрметті зейнет демалысына шықты.

Ұлы Отан соғысы жылдарындағы ерлігі мен ерен еңбегі үшін «За победу над Германией», «За доблестный труд в Великой Отечественной войне 1941–1945 гг.» медальдарымен, сондай-ақ Тәуелсіз Мемлекеттер Достастығына қатысушы мемлекеттер басшылары кеңесінің шешімімен Маршал Г.К. Жуков медалі медалімен марапатталған.

Сонымен қатар «60 лет Вооружённых Сил СССР», «70 лет Вооружённых Сил СССР», «25 лет Победы в Великой Отечественной войне», «30 лет Победы в Великой Отечественной войне», «40 лет Победы в Великой Отечественной войне», «50 лет Победы в Великой Отечественной войне», «60 лет Победы в Великой Отечественной войне», Ветеран войны 1941–1945, «50 лет Советской прокуратуре» медальдарымен наградталған.

1942 жылы Сталинград шайқасындағы ерен ерлігі үшін Қызыл Жұлдыз ордені орденімен марапатталған.

КСРО Бас прокурорының бұйрықтарымен бірнеше рет марапатталған.

2004 жылы Қазақстан Республикасының Бас прокуроры Рашид Түсіпбековтің тікелей бастамасымен құрылған прокуратура ардагерлерінің облыстық қоғамдық бірлестігінде ұжымның қоғамдық және ізгі шараларына белсене қатысқан ардагерлердің бірі болды.

Еліне сыйлы, абыройлы, өнегелі майдангер әрі еңбек ардагері Т. Кенжебековтің 100 жылдығына арналған құран бағыштау және еске алу асы 2022 жылғы 24 қыркүйекте Жамбыл облысы Сарысу ауданының Саудакент ауылында өткізілді.