Қабдолда Атышев құжат бойынша 1905 жылы дүниеге келген. Денсаулығына байланысты бастапқыда еңбек армиясына алынып, Беларусь жерінде еңбек күші қатарында ауыр қара жұмыс атқарған.

1943 жылы өз еркімен майданға сұранып, әскер қатарына қабылданады. Қабдолда Атышев Курск шайқасы мен Днепр үшін шайқас барысында ерлікпен шайқасқан. Соғыс кезінде жараланып, 1944 жылы елге оралады.

Соғыстан кейін бұрынғы Семей облысы, Көкпекті ауданына қарасты Егінбұлақ кентінде мал шаруашылығы саласында ұзақ жыл еңбек етті.

Қабдолда Атышев 1988 жылдың қаңтар айында дүниеден өтті. Оның өмір жолы — елге адал қызмет пен қайсарлықтың жарқын үлгісі.