Әбдиев Керімберді 1922 жылы Қазалы уезіне қарасты Аққөл елді мекеніне дүниеге келген. 1935 жылы Шаңды көлдегі Жаңатұрмыс қолхозындағы сауат ашу мектебінде білім алған . Ұлы Отан соғысына дейін колхозда жұмыс істеген.1942 жылы 22 шілдеде Қазалы АӘК комиссариаты арқылы Қызыл Армия қатарына шақырылып майданға аттанған. Осы жылдың тамыз-қазан айларында Орынбор облысы Троицк стансасы маңында қысқа мерзімді әскери жаттығудан өтіп зеңбірек көздеушісін алған.Майдан даласында Ленинград маңында,Калинин майданында ,Мәскеу шайқасы,бірінші Ржев-Сычев,Великие Луки,Смоленскі бағытындағы соғыстарға қатысқан.1943 жылы қаңтарда ірі бекіністік елді мекендер Марвино,Дубровка,Липки,Синявино,Подгорная стансаларын азат ету соғыстарына қатысқан.1943 жылы шілдеде Ленинград облысы Синявино селосы түбіндегі шайқаста "Синявино" биіктігін алу соғысында сол қолынан жарақат алып,3 дәрежелі Отан соғысы мүгедегі болып ,1943 жылы елге оралған. Осы соғыстағы көрсеткен ерлігі үшін "Ленинградты қорғағаны үшін" медалін иеленген.Соғыстан кейін қолхозшы,егіс бригадирі,есепші,звено жетекшісі,оқу үйінің меңгерушісі,қой фермасының меңгерушісі,дүкен сатушысы қызметін атқарған. Бейбіт күндерде 1985 жылы Ұлы Жеңістің 40 жылдығына орай 2 дәрежелі Отан Соғысы орденімен,Ұлы Жеңіспен,Қарулы Күштердің күні мерекелеріне байланысты мерекелік медальдарымен марапатталған. "Еңбек ардагері " медалінің иегері. 1982 жылы еңбек демалысы-зейнеткерлікке шығып,1985 жылы 63 жасында дүние салған .