Мен, Асанова Асель Жанатхановна, Ұлы Отан Соғысы ардагері нағашы атам Абраимов Ишмухамбет Кулмырзаевичтің ұрпағымын. Анам,Абраимова Гульнар Ишмухамбетовнаның айтуы бойынша,атам Абраимов Ишмухамбет Кулмырзаевич 1922 жылдың 22-қазанында Алматы облысы, Кировск ауданы, Мұқаншы ауылының қарапайым отбасында дүниеге келген.Бір отбасының жалғыз ұлы болған. Жас кезінде-ақ бала Ишмухамбет білімге құмар, кітапты сүйіп оқитын,талапшыл, әр нәрсеге құштар, қолға алған ісін тындыра істейтін ұқыпты болып 5 сыныптық білім алып, сонау қиын заманда ерте жұмысқа кіріскен.Соғысқа дейін комбайыншы болып жұмыс атқарды.Қан майданға өз еркімен аттанып, қосалқы атқыштар полкінің атқышы болған. Ол-Польша,Украина,Беларусия,Румыния,Чехословакия және т.б түбіндегі шайқастарда жаумен бетпе-бет келіп шайасқан. Ишмухамбет атам Опатув түбіндегі «СС» дивизияларының фашистік жауынгерлер тобының қатардағы жауынгерлерін жоюға қатысып,шабуыл жасап, өзінің батылдығымен, қырағылымен 2 неміс солдатының көзін жойып, 1 неміс солдатын тұтқынға алып, шеберлігімен және қайсар мінезімен көзге түскен.Топты жою бойынша берілген тапсырманы орындау және полктің ұрыс жұмысын жүргізген үлесі үшін «Ерлігі үшін» медалімен марапатталған. Отан алдындағы борышын адал атқарған. 1944 жылдың тамыз айында бірнеше жеңіл,бір ауыр жарақат алып,оң жақ аяғына оқ тиіп, СССР Жоғарғы Советі Президумының жарлығымен госпитальге жөнелтілген. Соғыс жылдарындағы өнегелі өмірі, көрсеткен қырағылығы және әскери тәртіпті, Устав ережесін сақтағаны үшін Абраимов Ишмухамбет Кулмырзаевич басшылық тарапынан бірнеше рет марапатталады: Ұлы Отан Соғысындағы ерлік істері үшін: -1945 жылы «Ерлігі үшін» медалімен; -1965 жылы «Ұлы Отан Соғысы Жеңісінің 20 жылдығы 1941-1945 жж.» медалімен; -«Германияны жеңгені үшін» медалімен; -«СССР Қарулы күштерінің 50 жылдығы» медалімен; -«Ұлы Отан Соғысының 25 жылдығы 1941-1945 жж.» медалімен; -1975 жылы «Ұлы Отан Соғысы Жеңісінің 30 жылдығы 1941-1945 жж.» медалімен; - «СССР Қарулы күштерінің 60 жылдығы» медалімен; -1985 жылы «Ұлы Отан Соғысының 40 жылдығы 1941-1945 жж.» медалімен; -1987 жылы «Жауынгерлік еңбегі үшін ІІ дәрежелі Отан соғысы» орденімен: -«Еңбек ардагері» медалімен және көптеген мерейтойлық медальдерімен матапатталды. Оқ пен оттың арасынан аман-есен туған жеріне оралып,бейбіт өмірде үлкен отбасы иесі болды.Ол жұбайы Абраимова Битан Сейдахметовна екеуі 2 ұл,5 қыз тәрбиелеп өсірді.Бірнеше немеренің ата-апасы болды. Кәлпе ауылында зейнеткерлікке шыққанша «Кальпе темір жол станциясында» аға тексеруші болып 35 жыл үзбей жұмыс атқарды.КОКП-на мүшелік еткен. Өзінің еңбек жолында да қарапайымдылығымен, жұмысқа адал қарау кезеңінде де, бірнеше рет «Құрмет» грамоталарымен, алғыс хаттармен т.б марапатталды.Отбасы мен Отан игілігі үшін аянбай еңбек етті.Пайғамбарлық жастан өткен шағында бала-шаға, немерелері, ағайын-туыстың алдында көп ауырмастан 1987 жылы дүниеден өтті. Соғыс жылдарындағы және бейбіт өмірдегі Ишмухамбет атамыздың істеген істері біздер,ұрпақтары үшін әрдайым өнеге болып келген.Біз,қайтпас қайсар атамыздың ұрпақтары- ол кісінің өнегелі өмірін мақтан тұтамыз.Мен, атам сиақты жауынгер батырдың ұрпағы болғаныма мақтан етемін!