(05.01.1902ж-26.11.1976ж) Байдібеков Өрісбай – Ұлы Отан соғысының ардагері. Шымкент облысы, Георгиевка ауданы, Ұйымшыл ауылында дүниеге келген. Үш жылдық білім алған.1917-1918 жылдары азаматтық соғысқа қатысқан, 1930-1931 жылдары  селсовет болып істеген. 1931-1934 жылдары «Ұйымшыл» колхоз басқармасының орынбасары, 1934-1942 жылдары «Ұйымшыл» колхозының председателі болып қызмет атқарған.12.09.1942 жылы ұлы Отан соғысына аттанады.13.04.1943 жылы 471 жылы жылжымалы госпитальдан шығып қайтадан соғыс майданына аттанады. 1942-1945 жылдары Германия мемлекетіндегі Ұлы отан соғысын аяқтап, 1945 жылы Жапония мемлекетімен соғысуға аттанады.Жапония соғысынан жеңіспен 1946 жылы елге оралып. 1946-1965 жылдар аралығында «Ұйымшыл» колхозының председателі болып қызметін жалғастырды. 1965 жылы зейнеткерлік демалысқа шықты. Үш ұл, жеті қыз сүйіп, олардан 38 немер, 85 шөбере, 7 шөпшек көрді.

1939 жылы КСРО Жоғары Кеңесінің депутаттығына ұсынылған, 1948 жылы Оңтүстік Қазақстан облысы Георгиевка ауданы  Қазы-ғұрт ауылы Орта-бұлақ округіне депутат болып сайланған.